Askush nuk mund t’u shmanget aksidenteve shtëpiake, qoftë edhe kampioni më i madh i garave të shpejtësisë. Këtë e ka treguar më së miri Valentino Rosi, kampioni absolut i garave me motora.
Pikërisht në prag të provave të Sepangut, Rosi është penguar në shtëpi në momentin kur do të mbyllte tendat dhe ka rënë mbi një tavolinë qelqi, të cilën e ka thyer dhe njëkohësisht ka çarë duar dhe këmbë.
Menjëherë Rosi i është drejtuar spitalit që ndodhet më afër shtëpisë së tij, ku është kuruar. Disa qepje në dorë dhe këmbë, ky është bilanci i aksidentit. Rosi do të niset drejt Malajzisë, ku do të zhvillohen testet e para të sezonit të ri.
Yamaha ka bërë të ditur se dëmtimi i Valentino Rosit nuk është serioz, por akoma ka dyshime për ndikimin e aksidentit në provën që duhet të bëjë italiani.
Forum 
