Korrupsioni, 3 mije leke per te kaluar klasen ne gjimnaz
Tremijë lekë të reja kushton kalimi i klasës vetëm në një lëndë në shkollat e mesme sot në kryeqytet. “Fiks Fare” denoncoi dje rastin e marrjes së ryshfetit nga ana e një mësueseje të një shkolle të mesme të përgjithshme në kryeqytet, e cila, kundrejt shumës tremijë lekë, premton notë kaluese për nxënësin, i cili nuk ka të drejtë të hyjë fare në provim për shkak të mungesave.
Ngjarja e denoncuar dje në emisionin “Fiks Fare” ka ndodhur në fund të sezonit të kaluar shkollor, në shkollën e mesme të përgjithshme në Tiranë, “Aleks Buda”.
Mësuesja e Fizikës në këtë shkollë, Armanda Nikollai, bën pazar me gazetaren e “Fiks Fare” për notën kaluese të nxënësit të vitit të tretë të kësaj shkolle.
Në ditën e parë të takimit, mësuesja nuk pranon që të japë OK për notën kaluese të nxënësit kundrejt pagesës dymijë lekë. Takimin e lënë për një ditë tjetër në kafene.
Pasi i fusin në fletore tremijë lekë, mësuesja, duke bërë gjeste pohuese, konfirmon se nxënësi për të cilin po paguhej do të kalonte klasën, pasi t‘i vinte në provimin e 20 përqindëshit.
Biseda me mësuesen e Fizikës, Armanda Nikollai, mësuese në shkollën “Aleks Buda”, në Tiranë
Dita tjetër
Fiksi - Zyshe mirë?
Mësuesja - Ç‘kemi moj zysh? Ç‘a më bëre mua t‘i moj? Si vini moj në orë të mësimit?
Nxënësja e shkollës - Nuk e ka ditur.
Fiksi - Të vij pastaj? Kur mbaron kjo orë, e gjysmë?
Mësuesja - Të mbaroj mësimin dhe flasim.
Nxënësja e shkollës - Të presim jashtë?
Fiksi - Ok.
Mësuesja - Kemi prapë të njëjtën gjë. Ti më ke turpëruar mua atë ditë me këtë, se ky më ka zëvendësuar mua dhe unë jam e piketuar. Ti më thoshe bëjmë me kaq e s‘bëjmë me aq…ai ishte prezent aty (bëhet fjalë për drejtorin e shkollës).
Nxënësja e shkollës - Aty ishte ai?
Mësuesja - Po aty moj zysh, ishte mbrapa kurrizit tonë. Po ti kush do që kalon d.m.th….
Fiksi - Nuk e dija.
Mësuesja - D.m.th se unë do piketohem, fillon, shikon emër pastaj…
Nxënësja e shkollës - Pse filloi ai?
Mësuesja - Ou! Pastaj më thirri në drejtori.
Nxënësja e shkollës - Në sy i fole ti?
Fiksi - Nuk e di. Unë s‘e njoh as drejtorin as njeri.
Mësuesja - Kushdo qoftë…Kushdo qoftë, ç‘punë ke ti?
Fiksi - Të më kishe bërë një pickim, unë do ta kisha kuptuar.
Fiksi- Zyshe na fal. Do vijmë pastaj nga ora 10:00. Po deshe bisedojmë edhe jo brenda ambienteve…
Mësuesja - Unë do dal pastaj sa të mbaroj kjo orë, do shkoj pastaj te tetëvjeçarja tek “Ahmet Gashi”.
Nxënësja e shkollës - D.m.th do dalësh këtej lart?
Fiksi - Zyshe ulemi dhe në kafe, sa të pimë një kafe dhe më mirë aty se nuk ju shikon njeri pastaj.
Fiksi- Po të presim nga ora 10:30.
Mësuesja merr fletoren ku janë vendosur lekët (3000 mijë lekë të reja).
Fiksi - D.m.th tani Klajdi është i përfunduar? Se ne e kemi me merak.
Fiksi - Që unë ta mbledh mendjen, dua vetëm një konfirmim.
Miraton me tundje koke.
Nxënësja e shkollës - Ato pyetjet t‘i studiojë tani, t‘i shikojë…
Mësuesja - Po. Të mësojë…
Nxënësja e shkollës - T‘ia nis një çik me atë, e ke vetë ti parasysh. T‘ia nis, t‘ia zgjidh unë ushtrimet.
Flet pasi mori lekët. Nxënësi në fjalë nuk futej në provim sepse kishte 50% të mungesave dhe është i pakualifikuar, nuk i lejohet të futet në provim.
Mësuesja - Të mësojë, ka 20%. Në 20% duhet të më vijë patjetër.
Fiksi - Në rregull. D.m.th tani u mbyll ky muhabet. Është Ok nga ana jote!
Mësuesja konfirmon përsëri me kokë.
Mësuesja - Të mësojë. Dakord. Por në 20 përqindësh duhet të më vijë patjetër.
Fiksi - Në rregull. Do vijë në 20%.
Fiksi - D.m.th me 30 je e kënaqur se kaq kishim mundësi.
Mësuesja- Asnji, asnji…(flet kështu që të mos kuptohet nga koleget ngjitur). Po hë moj zysh…(vë në dukje të largohemi)
Fiksi - Po patjetër, vetëm ngaqë dua të më japësh konfirmim për Ok, se më kupton që është me merak. (Ka pamjet e konfirmimit)
Fiksi- Ok, faleminderit, mirupafshim!
Burimi: Gazeta Shqip
Forum 